ငါ့လူတွေမထိနဲ့ ပြဿနာတက်သွားမယ်ဟုဆိုကာ ရဲတပ်ဖွဲ့ကို ဓါးဖြင့်ဝင်ထိုးကြသည့် ကြည့်မြင်တိုင်လူမိုက်များ

0
122

ငါ့လူတွေကိုမထိနဲ့ပြဿနာတက်သွားမယ်ဟု ပြောဆိုကာ ရဲတပ်ဖွဲ့ အား ဓါးဖြင့်ဝင်ထိုးကြသည့် ငှက်ကြီးတောင် ဓါးကိုင်ရမ်းကားနေသော ကြည့်မြင်တိုင်လူမိုက်ဟုဆိုသူများအား ရဲတပ်ဖွဲ့မှသေနတ်ဖြင့် ပစ်ခတ် ဖမ်းဆီးလိုက်ရ

ရန်ကုန်တိုင်းဒေသကြီး လှည်းကူးမြို့နယ် လှည်းကူး-ဒါးပိန်ကားလမ်း ကျွန်းကုန်းလမ်းဆုံတွင် မေလ ၃၁ ရက်နေ့ည၇နာရီ၃၀မိနစ် အချိန် ခန့်က အမျိုးသား ၅ဦးမှ ဓါးများကိုင်ဆောင်ကာ အများပြည်သူအား အသက်ဘေးအန္တရယ်ဖြစ်စေရန် ရမ်းကားနေကြကြောင်း ပြည်သူ တစ်ဦး မှ လှည်းကူးမြို့မစခန်းသို့ ဖုန်းဖြင့် အကြောင်းကြားခဲ့ရာ စခန်းမှူးဒုရဲမှူးမောင်မောင်ဦးက မီးတန်းဆိုင်ကယ်များဖြင့် လှည့်ကင်း ဆောင်ရွက်နေသော ရဲတပ်ဖွဲ့ဝင်များကို အကြောင်းကြားသွားရောက် စစ်ဆေးဆောင်ရွက်စေခဲ့သည်။

လှည့်ကင်းအဖွဲ့မှသက်သေများခေါ်ကာ ကျွန်းကုန်းလမ်းဆုံသို့ သွားရောက်ခဲ့ရာတွင် ကျွန်းကုန်းလမ်းဆုံအနီး လှည်းကူး-ဆားတလင်း-ဒါးပိန် ကားလမ်းပေါ်တွင်ဓါးများကိုင်ဆောင် ထားသည့် အုပ်စုဖွဲ့လူ၅ဦးမှ ခရီးသွားပြည်သူများ ကိုခြိမ်းခြောက်တားဆီးရန်ပြုကာ ရမ်းကားနေသည်ကိုတွေ့ရှိသဖြင့် လှည့်ကင်းရဲအဖွဲ့မှဝင်ရောက်ထိန်းသိမ်းရာ အဆိုပါအမျိုးသား ၅ဦးအနက်မှ ဇော်မင်းသိန်းဆိုသူမှ အရိုးအသွား အရှည်၂ပေခွဲရှိသော ငှက်ကြီးတောင်ဓါးဖြင့်ပြန်လည်ခုခံရန်ပြုသဖြင့်

ရဲဒုတပ်ကြပ် ဖြိုးမောင်မောင်သိန်းနှင့် ရဲဒုတပ်ကြပ်မိုးစက်သော်တို့မှ လုံးထွေး ဖမ်းဆီး စဉ် အဆိုပါလူရမ်းကား ၅ဦး ထဲမှ ပီချေး(ခ)မျိုးဇင်လတ် ဆိုသူနှင့် အောင်နိုင်ဆိုသူတို့မှ ထပ်မံ၍ ရဲတပ်ကြပ်အောင်ဆန်းမြင့် ထံရန်ပြုရန်ပြေးဝင်လာပြီး ”ငါတို့လူတွေကိုမလုပ်နဲ့ပြဿနာတက်သွားမယ်“ ဟုပြောဆိုကာ

ပီချေး(ခ)မျိုးဇင်လတ်ဆိုသူက ရဲတပ်ကြပ်အောင်ဆန်းမြင့်အား ဓါးမြှောင်ဖြင့်ဝင်ထိုးသဖြင့် ဒုရဲအုပ်ကျော်စိုးဟိန်းက”မင်းတို့ဓါးတွေချပြီးအေးအေးဆေးဆေးဖြေရှင်းပါ”ဟုပြောဆိုခဲ့သော်လည်း ပီချေးမှရဲတပ်ကြပ်အောင်ဆန်းမြင့်ကို ဓါးမြှောင်ဖြင့် ၃/၄ ချက်ခန့်ထက်ကာ လိုက်လံထိုးသတ် နေသဖြင့် ဒုရဲအုပ်ကျော်စိုးဟိန်းမှ ၃၈ဗို့ခြောက်လုံးပြူးသေနတ်ဖြင့် ခြောက်လန့် ပစ်ခဲ့စဉ်အတွင်း အနီးတွင်ရှိနေသော အောင်နိုင်ဆိုသူမှ ဒုရဲအုပ်ကျော်စိုးဟိန်းထံ တိုက်ခိုက်ရန်ပြေးဝင်လာစဉ် ဌင်း၏ဝဲဘက်လက်ခုံအား သေနတ်ကျည်ဆံထိမှန် (သာမန်မျှမစိုးရိမ်ရ) ခဲ့ကြောင်းရဲမှတ်တမ်းတွင်ဖော်ပြထားသည်။

့်အဆိုပါလူရမ်းကား ၅ ဦးအနက် အခင်းဖြစ်ချိန်အတွင်း ၄ဦးအား ဖမ်းဆီးရမိခဲ့ပြီး ပီချေး(ခ)မျိုးဇက်လတ်ဆိုသူမှာ ထွက်ပြေး လွတ်မြောက်သွားခဲ့ရာ ဇွန်လ၁ရက်နေ့နံနက်ပိုင်းတွင် ပြန်လည် ဖမ်းဆီးရမိခဲ့ကြောင်းလှည်းကူးမြို့မရဲစခန်းမှသိရသည်။

“ရမ်းကားသူ ၄ဦးကိုအခင်းဖြစ်တဲ့ညအချိန်အတွင်းမှာပဲ ထိန်းသိမ်း ဖမ်းဆီးနိုင်ခဲ့ပါတယ်။ ညကထွက်ပြေးလွတ်မြှောက်သွားတဲ့ တစ်ယောက်ကိုတော့ ဒီမနက်ပဲလှည်းကူးမြို့နယ်က ကွင်းထဲမှာ ဖမ်းဆီးရမိပါပြီ၊ အပြစ်မဲ့ပြည်သူတွေရိုးရိုးသားသား စီးပွားရှာဖွေ စားသောက်နေထိုင်သွားလာကြတဲ့ အပေါ်မှာ အခုလိုလူမိုက်ဆန်ဆန်၊မင်းမဲ့စရိုက်ဆန်ဆန်ထိတ်လန့်အောင်လုပ်တာ၊အနိုင်ကျင့်ခေါင်းပုံဖြတ် တာတွေကို ကျွန်တော်တို့က လုံးဝလက်မခံဘူး၊ အခုလို လုပ်ရပ်မျိုးတွေ ထပ်ဖြစ်လာခဲ့ရင်လည်း ကျွန်တော်အကောင်းဆုံး ကြိုးစားဆောင်ရွက်သွားမယ်“ ဟုလူရမ်းကားများအား ကိုယ်တိုင် ဖမ်းဆီးခဲ့သူလှည်းကူးမြို့မစခန်းမှဒုရဲအုပ်ကျော်စိုးဟိန်းကပြောသည်။

အခင်းဖြစ်ပွားချိန်အပြီး ထွက်ပေါ်လာသောသတင်းများနှင့် ပတ်သက်ပြီး မေးမြန်းရာတွင် ”ဒီကောင်တွေက လှည်းကူးသားတွေ ကြည့်မြင်တိုင်ဘက်ကတော့ မဟုတ်ပါဘူး၊ကြည့်မြင်တိုင် လူမိုက်အဖွဲ့ က ဟုတ်မဟုတ်ကိုတော့ ဆက်လက်စစ်ဆေးနေတုန်းပါ” ဟု ဒုရဲအုပ်ကျော်စိုးဟိန်းက ထပ်မံပြောကြားသည်။

အဆိုပါဖြစ်ပွားမှုနှင်ပတ်သက်ပြီး အများပြည်သူနှင့်ဆိုင်သော နေရာတွင်ငြိမ်ဝတ်ပိပြားရေးကိုပျက်ပြားစေသောအလိုငှာလူ့အသက်ဘေးအန္တရယ်ဖြစ်စေသည့်ဓါးလက်နက်စွဲကိုင်ရမ်းကားသူ ဇော်မင်းသိန်း(၃၇)နှစ်(ဘ)ဦးစိန်မောင်၊လက်ပံကျေးရွာ၊လှည်းကူးမြို့နယ်၊ သက်ပိုင်မျိုးဦး(ခ)သံချောင်း(၂၆)နှစ်(ဘ)ဦးမျိုးဦး၊သီတာအေးတိုးချဲ့၃လမ်း၊အောင်မင်္ဂလာရပ်ကွက်၊လှည်းကူးမြို့နယ်၊ ကျော်နိုင်ထွန်း(၂၄)နှစ်(ဘ)ဦးနိုင်လင်း၊သီတာအေးတိုးချဲ့၅လမ်း၊အောင်မင်္ဂလာရပ်ကွက်၊လှည်းကူးမြို့နယ်၊ ဒဏ်ရာရှိသူအောင်နိုင်(၅၀)နှစ်၊(ဘ)ဦးကျောက်ခဲ၊လက်ပံကျေးရွာ၊လှည်းကူးမြို့နယ်နေသူနှင့်ယနေ့နံနက်တွင်ဖမ်းဆီးရမိသော ပီချေး(ခ)မျိုးဇင်လတ်ဆိုသူတို့ ၅ဦးအား လှည်းကူးမြို့မရဲစခန်းမှ(ပ)၁၀၄၆/၂၀၁၉ ရာဇသတ်ကြီးပုဒ်မ၃၀၇/၃၅၃/၁၁၄တို့ဖြင့်အမှုဖွင့်လှစ်ထားကြောင်းသိရသည်။

Headline News

ပုံ – ပီချေး(ခ)မျိုးဇင်လတ်အား ဒုရဲအုပ် ကျော်စိုးဟိန်း နှင့် အဖွဲ့မှ ဖမ်းဆီးရမိပုံ (Photo သာဒင်)