လှိုင်သာယာမြို့နယ်အတွင်း ခိုးမှုကျူးလွန်သူ(၁)ဦးကို ဖမ်းဆီးရမိ

97

ရန်ကုန်တိုင်းဒေသကြီးရဲတပ်ဖွဲ့မှူးက မိမိနယ်မြေအတွင်း ခိုး၊ ဆိုး၊ လု၊နှိုက်မှု ကျူးလွန်သူများကို ဖော်ထုတ်ဖမ်းဆီးဆောင်ရွက်သွားရန် ညွှန်ကြားချက်အရ ၁.၁၁.၂၀၁၉ ရက်နေ့ ၁၃၀၀ အချိန် မြောက်ပိုင်းခရိုင် ရဲတပ်ဖွဲ့၊ ခရိုင်မှုခင်းနှိမ်နင်းရေးဌာနစုမှ တပ်ဖွဲ့ဝင်များသည် လှိုင်သာယာ မြို့နယ်အတွင်း ခိုး၊ ဆိုး၊ လု၊ နှိုက် သတင်းများ စုံစမ်းဆောင်ရွက်နေစဉ် မသင်္ကာဖွယ်တွေ့ရှိသူ ကျော်မင်းခိုင်(ခ)ဖင်ကောက် အား SAMSUNG အမျိုးအစား ဖုန်း(၁)လုံးနှင့်ပတ်သက်၍ စစ်မေးရာ ပိုင်ဆိုင်ကြောင်း အထောက်အထား ပြောဆိုပြသနိုင်မှုမရှိ သဖြင့် ဖုန်းအား ရှာဖွေပုံစံဖြင့် သိမ်းဆည်းပြီး ဖမ်းဆီးခဲ့ပါသည်။

ခိုးမှုမသင်္ကာသူ ကျော်မင်းခိုင်(ခ)ဖင်ကောက် အား အခြား ပြစ်မှုများ ကျူးလွန်ခဲ့ခြင်းရှိ/မရှိ အသေးစိတ် စစ်ဆေးခဲ့ရာ ၎င်းသည် ၂၀၁၉ ခုနှစ်၊ ဇွန်လမှ အောက်တိုဘာလများအတွင်း လှိုင်သာယာမြို့နယ်၊ (၇)ရပ်ကွက်၊ မီးခွက်ဈေးအောက်ထိပ်ရှိ အဆောင်တစ်ဆောင်အတွင်းမှ MPT အမျိုးအစား လက်ကိုင်ဖုန်း (၁)လုံး၊ (၇)ရပ်ကွက်၊ ဗိုလ်အောင်ကျော်လမ်း ရှိ နေအိမ်(၁)အိမ်အတွင်းမှ Vivo အမျိုးအစား လက်ကိုင်ဖုန်း (၁)လုံး၊(၆)ရပ်ကွက်၊ ချမ်းမြေ့လမ်းရှိ အဆောင်တစ်ဆောင်အတွင်းမှ Huawei- G730 အမျိုးအစား လက်ကိုင် ဖုန်း(၁)လုံး၊ (၆)ရပ်ကွက်၊

ပညာပတ်လမ်း ရှိ နေအိမ်(၁)အိမ်အတွင်းမှ OPPO အမျိုးအစား လက်ကိုင်ဖုန်း (၁)လုံး၊ (၇)ရပ်ကွက်၊ စိန်ပန်းမြိုင်(၄)လမ်းရှိ နေအိမ်(၁)အိမ်အတွင်းမှ Huawei အမျိုးအစား လက်ကိုင်ဖုန်း (၁)လုံး၊ (၆)ရပ်ကွက်၊ အောင်စန္ဒာလမ်းရှိ နေအိမ်(၁)အိမ်အတွင်းမှ Huawei အမျိုးအစား လက်ကိုင်ဖုန်း (၁)လုံး၊ (၆)ရပ်ကွက်၊ ကျန်စစ်သားအိမ်ရာဝင်းရှိ တိုက်ခန်းတစ်ခန်းအတွင်းမှ SAMSUNG J2 Prime အမျိုးအစား လက်ကိုင်ဖုန်း(၁)လုံး၊ (၇)ရပ်ကွက်၊ တေးဥယျာဉ်(၁၅)လမ်းရှိ နေအိမ်(၁)အိမ်အတွင်းမှ Sony အမျိုးအစား လက်ကိုင်ဖုန်း(၁)လုံး၊ (၆)ရပ်ကွက်၊ ဈေးလမ်းမှတ်တိုင်အနီးရှိ ဈေးဆိုင် (၁)ဆိုင်အတွင်းမှ Vivo အမျိုးအစား လက်ကိုင်ဖုန်း (၁)လုံး၊ စုစုပေါင်း ဖုန်း(၉)လုံး ခိုးယူခဲ့ကြောင်း ထပ်မံစစ်ဆေးပေါ်ပေါက်ခဲ့ပါသည်။

စစ်ဆေးပေါ်ပေါက်ချက်အရ အမှုမှ သက်သေခံပစ္စည်းများကို ပြန်လည်သိမ်းဆည်းရရှိပြီးဖြစ်၍ ပြစ်မှုကျူးလွန်သူ ကျော်မင်းခိုင် (ခ)ဖင်ကောက် အား ဥပဒေနှင့်အညီ အမြန်တရားစွဲတင်ပို့နိုင်ရေး ဆောင်ရွက်လျက်ရှိကြောင်းသတင်းရရှိပါသည်။

From Yangon Police