SEA Games မှာ သားဖြစ်သူ ရွှေရတဲ့နေ့၊ ဖခင်က ကွယ်လွန်သွားခဲ့တဲ့အဖြစ်

185

အင်ဒိုနီးရှားနိုင်ငံ ဝူးရှူးလက်ရွေးစင်တစ်ဦးဖြစ်တဲ့ Edgar Marvelo ဟာ SEA Games ပြိုင်ပွဲမှာ သူ့ဘဝရဲ့ပထမဆုံး ရွှေတံဆိပ်ကို ဆွတ်ခူးနိုင်ခဲ့ပေမယ့်၊ ဖခင်ဖြစ်သူကတော့ မျက်ဝါးထင်ထင် ဂုဏ်ယူမသွားခဲ့ရပါဘူး။ သူဟာ သားဖြစ်သူ ပြိုင်ပွဲဝင်တဲ့နေ့မှာပဲ သေဆုံးသွားခဲ့တာပါ။

Edgar ဟာ Gunshu နဲ့ Daoshu ပြိုင်ပွဲနှစ်ရပ်စလုံးမှာ ရွှေရယူနိုင်ခဲ့တာဖြစ်ပြီး၊ သူဟာ ဖခင်သေဆုံးကြောင်း သိသွားတဲ့အတွက် မျက်ရည်မဆည်နိုင် ဖြစ်ခဲ့ရပါတယ်။ သူနဲ့အတူ လိုက်လာခဲ့တဲ့ လက်ရွေးစင်တွေ၊ အုပ်ချုပ်သူတွေ၊ နည်းပြတွေလည်း ငိုခဲ့ရပါတယ်။

Edgar ဟာ လက်ရွေးစင်နည်းပြရဲ့ ခွင့်ပြူမှုနဲ့အတူ ဖခင်ရဲ့နာရေးကိုမီဖို့ လေကြောင်းခရီးနဲ့ အင်ဒိုနီးရှားကို ပြန်ခွင့်ရခဲ့ပါတယ်။ သူဟာ ရရှိတဲ့ရွှေတံဆိပ်တွေကို ဖခင်ရဲ့ခေါင်းတလားမှာ ဂါရဝါပြုတပ်ဆင်ပေးခဲ့ကြောင်း သိရပါတယ်။ သူရဲ့အဖြစ်ကို အင်ဒိုလူမှုကွန်ရက်အသုံးပြုသူတွေက စာနာထောက်ထားကြောင်း စာရေးသား ပေးပို့ခဲ့ပါတယ်။

Edgar က သူရဲ့ဖခင် သေဆုံးမှုနဲ့ပတ်သက်ပြီး ” အဖေ့ကို နောက်ဆုံးအနေနဲ့ နှုတ်ဆက်နိုင်ခဲ့ပါပြီ … အခုဆို သူ ကျွန်တော်ရခဲ့တဲ့ ဆုတံဆိပ်တွေနဲ့ ဂုဏ်ယူနိုင်ပါပြီ … “လို့ ရေးသားခဲ့ပါတယ်။ သူဟာ ရွှေတံဆိပ်နှစ်ခုနဲ့ ဖခင်အတွက် ဂုဏ်ယူစရာ သားဖြစ်ခဲ့ပေမယ့်၊ ပျော်စရာကောင်းတဲ့ အခြေအနေတော့ မဟုတ်ပါဘူး။

နတ်သူကြီး-AlinnMyay(အလင်းမြေ)