ထီသိန်းတစ်သောင်းခွဲ ကံထူရှင် အသက် ၈၀ အမေအို၏ ဘဝအကြောင်းနှင့် ထီထိုးဖြစ်ပုံ.

174

အောင်ဘာလေထီ ငွေကျပ်သိန်းတစ်သောင်းခွဲဆုအား ဟင်္သာတမြို့မှ ငွေကြေးချို့တဲ့သူ အမေအိုက ဆွတ်ခူးရရှိခဲ့ကြောင်း သိရသည်။ ၂၀၁၉ ခုနှစ်၊ ဇူလိုင်လ ၁ ရက်နေ့တွင် ထွက်ရှိသည့် (၅)ကြိမ်မြောက် ကျပ် (၁၀၀၀)တန် အောင်ဘာလေသိန်းဆုဖွင့်ပွဲ၌ ထိုသို့ဆွတ်ခူးရရှိခဲ့ခြင်း ဖြစ်သည်။

“အမေ့ယောက်ျားက စစ်သား၊ သူက ဆုံးသွားပြီ။ ပင်စင်ရတယ်။ ၈၇၅၀ ရတယ်။ အမေဟိုတုန်းကတော့ ရေမုန့်ထိုးရောင်းတယ်၊ မုန့်ကြိုးလိမ် လုပ်ရောင်းတယ်။ နှစ်မျိုး သုံးမျိုး အမေကြီးက လုပ်ရောင်းတာ။ ရပ်ကွက်တွေထဲမှာ လှည့်ရောင်းပြီးမှ ဂုံးပေါ်မှာ ထိုင်ရောင်းတာ။ တာပေါ်မှာ ထိုင်ရောင်းတာ။ သားတွေကို အဲလို လုပ်ကျွေးခဲ့တာ။ အမေက အခုတော့ ဘာမှမလုပ်နိုင်တော့ဘူး။ သားသမီးတွေပေးတာနဲ့ အဲဒီ့ပင်စင်နဲ့ စားတယ်။ အမေ့ အသက်က ၈၀ ရှိပြီ။

ထီက တစ်ခါမှ မပေါက်ဖူးဘူး။ အခုတစ်ခါမှ ပေါက်ဖူးတာ။ ကြွေး လစဉ်ထိုးတာ။ အခုတစ်ပတ်က မပေးနိုင်သေးဘူး။ နေမကောင်းလို့ ဆေးထိုးတာ တစ်သောင်းကုန်တယ်။ ထီဖိုးက ၅၀၀၀ ပဲ ပေးရသေးတယ်။ ထီဖိုး ၆၀၀၀ ကျန်သေးတယ်။ ဝမ်းသာလို့ ဘယ်လိုပြောရမှန်း မသိဘူး။ ဝမ်းသာလိုက်တာ။ မရှိလွန်းအားကြီးလို့။ သားတွေ ပေးတယ်၊ ဆေးထိုးလိုက် လှူလိုက်၊ ဟိုက အလှူခံလာလည်း ၅၀၀ လှူတယ်။ လက်ထဲရှိတဲ့ ၅၀၀ လှူ၊ ၁၀၀၀ လှူ၊ အဲလိုလှူတယ်။

ထီတော့ ပေါက်ပါစေဘုရား၊ လှူချင်လွန်းလို့ပါဆို ဟုတ်တယ် ပေါက်တယ်။ လှူမှာလို့ပြောပြီးတော့ ထီထိုးတာ။ အမေကြီးက စားလည်းစားမယ်၊ လှူလည်းလှူမယ်။ ရွာကို မပြန်ရသေးဘူး၊ ပိုက်ဆံမရှိလို့။ ထီလည်း ထိုးနေတာ။ လစဉ်ထီထိုးတာ။ ထီတောင် ကြွေးထိုးရတာ။ ၆၀၀၀ ကျန်သေးတယ်။ အမေကြီးလည်း အခုလိုဆိုတော့ ပြန်လိုရပြီ။ ထီပေါက်လို့ဝမ်းသာလို့ ရွာပြန်မှာ။ အမေက ပေါက်၊ ပခုက္ကူ အဲဒီ့ကို ပြန်ဦးမှာ။ ထီလည်း ပေါက်သွားပြီ။ သားတွေ လိုက်ပို့လို့ဆိုပြီး ပြောမှာ”ဟု ကံထူးရှင် ဒေါ်ခင်တင့်က ပြောကြားသည်။အသက် ၈၀ အရွယ် ရှိပြီဖြစ်သည့် ကံထူးရှင်ဒေါ်ခင်တင့်မှာ လက်ရှိတွင် ဟင်္သာတမြို့၊ အေးမြသာယာရပ်ကွက်ရှိ အလောင်းဘုရားလမ်းသွယ်၌ ၀ါးအိမ်လေးဖြင့် နေထိုင်နေရ သူဖြစ်ပြီး ၄င်း၏ သက်တမ်းတစ်လျှောက် ပထမဦးဆုံးအကြိမ်အဖြစ် အောင်ဘာလေထီပေါက်ခဲ့ခြင်းဖြစ်ကြောင်း သိရသည်။

Eleven Media Group

လေးစားစွာဖြင့် ခရက်ဒစ်