ပြင်ဦးလွင်နှင့်နောင်ချိုတိုက်ခိုက်ခံရမှု ကျဆုံးသွားတဲ့ ဝန်ထမ်းတစ်ဦးရဲ့ ကျန်ရစ်သူ မိသားစု

228

ပြင်ဦးလွင်မှာရှိတဲ့ တပ်မတော်နည်းပညာတက္ကသိုလ်အပါအ၀င် ပြင်ဦးလွင်နဲ့နောင်ချိုမြို့နယ်တွေမှာရှိတဲ့ တပ်ရင်းဌာနချုပ်၊ ပြင်ဦးလွင်တိုးဂိတ်၊ ရှမ်းပြည်နယ်မြောက်ပိုင်း နောင်ချိုမြို့နယ် ဂုတ်တွင်းရဲစခန်း၊ ကျောက်မဲမြို့အထွက် နောင်ချိုတိုးဂိတ်အစရှိတာတွေကို သြဂုတ်လ ၁၅ရက်နေ့မနက်ပိုင်းမှာ လက်နက်ကိုင်တပ်ဖွဲ့ဝင်တွေက လက်နက်ကြီး၊လက်နက်ငယ်တွေနဲ့ ပစ်ခတ်တိုက်ခိုက်ခဲ့ပါတယ်။ အဲ့ဒီတိုက်ခိုက်မှုကြောင့် တပ်မတော်သား ၁ဦးထိခိုက်ဒဏ်ရာရရှိခဲ့ပြီး အရပ်သားဝန်ထမ်းတစ်ဦး သေဆုံးခဲ့ပါတယ်။သေဆုံးသွားတဲ့အရပ်သားဝန်ထမ်းဟာ ပြင်ဦးလွင် တပ်မတော်နည်းပညာတက္ကသိုလ်မှ ထမင်းချက်ဝန်ထမ်းတစ်ယောက်ဖြစ်တယ်လို့သိရပါတယ်။

လက်ရှိတပ်မတော်ကာကွယ်ရေးဦးစီးချုပ်ရုံးမှ တိုက်ခိုက်ခဲ့တဲ့လက်နက်ကိုင်တပ်ဖွဲ့ဝင်တွေဟာ AA၊TNLA နဲ့ MNDAAတို့ဖြစ်တယ်လို့ တရားဝင်ကြေငြာချက်ထုတ်ပြန်ပြီးဖြစ်ပါတယ်။ စစ်ရေးအရ အရေးနိမ့်လာတဲ့အတွက်နဲ့ မူးယစ်ဆေးဝါးအပါအ၀င်ခဲယမ်းနဲ့ဆက်စပ်ပစ္စည်းတွေကို အခုတိုက်ခိုက်ခဲ့တဲ့ လက်နက်ကိုင်အဖွဲ့တွေနဲ့ဆက်စပ်ကာ တပ်မတော်ကနေ သိမ်းဆည်းရရှိခဲ့တဲ့အတွက် အခုလိုမျိုး ပစ်ခတ်တိုက်ခိုက်မှုတွေကျူးလွန်ခဲ့တာဖြစ်တယ်လို့ တပ်မတော်မှ တွေ့ရှိရတယ်လို့လည်းကြေငြာထားခဲ့ပါတယ်။

အဲ့ဒါတွေအပြင် ရှမ်းပြည်နယ်မြောက်ပိုင်း နောင်ချိုမြို့အထွက်နဲ့ ကျောက်မဲမြို့အကြားမှာရှိတဲ့ ဂုတ်တွင်းတံတားကို ဖောက်ခွဲခံခဲ့ရကာ တပ်မတော်သား၁၁ဦးအပါအ၀င် တာဝန်ကျနေတဲ့ လုံခြုံရေးတာဝန်ယူထားတဲ့ ရဲဝန်ထမ်းပါ သေဆုံးခဲ့ရပြီး မူးယစ်ဆေးတိုက်ဖျက်ရေးရဲကင်းတစ်ခုကိုပါ အတိုက်ခိုက်ခံခဲ့ရကာ လူအနည်းဆုံး၃ဦး သေဆုံးခဲ့တယ်လို့ ဒေသခံအရင်းအမြစ်တွေက ပြောပြခဲ့ပါတယ်။

နောက်ဆုံးအနေနဲ့ ပြီးခဲ့တဲ့ ၂၀၁၄နိုဝင်ဘာလအတွင်းမှာ ကချင်လွတ်မြောက်ရေးတပ်မတော် KIAရဲ့ ဗိုလ်လောင်းသင်တန်းအတွင်းမှာ တပ်မတော်က လက်နက်ကြီးနဲ့ တိုက်ခိုက်ခဲ့ဖူးတဲ့ဖြစ်ရပ်ရှိခဲ့ပြီး အဲ့ဒီဖြစ်စဉ်မှာ စုစုပေါင်း ၂၃ဦးသေဆုံးကာ အယောက် ၂၀ဒဏ်ရာရခဲ့တဲ့ဖြစ်ပွားခဲ့ဖူးပါတယ်။

အဲ့ဒီအထဲမှာ သေဆုံးသွားခဲ့တဲ့ တိုင်းရင်းသားလက်နက်ကိုင်တွေထဲက အများစုဟာ အခု ပြင်ဦးလွင် တပ်မတော်နည်းပညာတက္ကသိုလ်နဲ့ နောင်ချိုမြို့ကို တိုက်ခိုက်ခဲ့တဲ့ လက်နက်ကိုင် တပ်ဖွဲ့ဝင်ထဲက ရက္ခိုင်တပ်မတော် (AA) နဲ့ ပလောင် (တအန်း) အမျိုးသားလွတ်မြောက်ရေးတပ်မတော် (TNLA) တို့ဖြစ်ပြီး အဲ့ဒီဖြစ်စဉ်မှာ နှစ်ဖွဲ့ပေါင်း လက်နက်ကိုင် တပ်ဖွဲ့ဝင် ၁၉ဦးကျဆုံးခဲ့ဖူးတဲ့ဖြစ်ရပ်ဖြစ်ပွားခဲ့ဖူးတယ်လို့သိရပါတယ်။ အဲ့ဒါကြောင့် ပြည်သူတွေကတော့ ဒါဟာ လက်စားခြေတဲ့လက်ရပ်တစ်ခုလေလားလို့ သုံးသပ်နေကြပြီး ဒီလိုမျိုးအပြန်အလှန်ပစ်ခတ်မှုတွေဖြစ်ပွားနေတာဟာ အပြစ်မဲ့ပြည်သူတွေအတွက် ထိခိုက်နစ်နာစရာတွေအများဆုံးဖြစ်တယ်လို့ ဝေဖန်နေလျက်ရှိပါတယ်။

Photo-Phyu Zar Win

Yenin Phawah-AlinnMyay(အလင်းမြေ)