ဒီမိုကရေစီနှင့်ငြိမ်းချမ်းရေးအမျိုးသမီးအဖွဲ့ပါတီမှ နော်အုန်းလှအား ကျောက်တံတားမြို့နယ်ရဲစခန်းမှအမှုဖွင့် တရားစွဲ

152

ဒီမိုကရေစီနှင့်ငြိမ်းချမ်းရေးအမျိုးသမီးအဖွဲ့ပါတီမှာ နော်အုန်းလှအား ကျောက်တံတားမြို့နယ်ရဲစခန်းမှအမှုဖွင့် တရားစွဲ

ကရင်အမျိုးသားရေးလှုပ်ရှားသူတစ်ယောက်ဖြစ်တဲ့ ဒီမိုကရေစီနှင့်ငြိမ်းချမ်းရေးအမျိုးသမီးအဖွဲ့ပါတီမှ န်ာအုန်းလှကို ကျောက်တံတားမြို့နယ်ရဲစခန်းကနေ ခွင့်ပြုချက်မရှိပဲ ၆၉နှစ်မြောက်ကရင့်အာဇာနည်နေ့အခမ်းအနားကို မြို့တော်ခန်းမရှေ့ မဟာဗန္ဓုလပန်းခြံမှာကျင်းပခဲ့တဲ့အတွက် တရားစွဲဆိုခဲ့ပါတယ်။ ကျောက်တံတားမြို့နယ်ရဲစခန်းမှုးက ရန်ကုန်တိုင်းဒေသကြီး အစိုးရရဲ့ခွင့်ပြုချက်မရှီပဲ ဒီအခမ်းအနားကျင်းပခဲ့တဲ့အတွက် ကျောက်တံတားမြို့နယ်ရဲတပ်ဖွဲ့မှူးကနေ အမှုဖွင့်ထားတယ်ဆိုတာကို တရားအစွဲဆိုခံရသူ နော်အုန်းလှက လူမှုကွန်ယက်ပေါ်မှာ ပြောပြခဲ့တာပါ။

တဖက်မှာလည်း NCA အပစ်အခတ်ရပ်စဲရေးသဘောတူစာချုပ်အရပြည်ထောင်စုသမ္မတမြန်မာနိုင်ငံတော်အတွင် မှီတင်းနေထိုင်ကြသော တိုင်းရင်းသားလူမျိုးများ၏ နောက်ခံသမိုင်း၊ ရိုးရာယဉ်ကျေးမှုစာပေ၊ ဘာသာစကားနှင့် အမျိုးသားလက္ခဏာများမတူကွဲပြားမှုကို လကခံအသိအမှတ်ပြုပြီး လူမျိုးပေါင်းစုံဘာသာစကားပေါင်းစု့ဖြင့် ပြည်ထောင်စုလက္ခဏာတစ်ရပ်ကို နိုင်ငံသားအားလုံးစုပေါင်းဖော်ဆောင်ရန်ပါရှိသည်ဆိုတဲ့အချက်နဲ့

တိုင်းရင်းသားလူမျိုးများရဲ့ရပိုင်ခွင့်များထဲက ယဉ်ကျေးမှုဓလေ့ထုံးတမ်းအရ ဆောင်ရွက်တဲ့ အခမ်းအနားတွေနဲ့နေ့ထူးနေ့မြတ်တွေကို လွတ်လပ်စွာကျင်းပခွင့်ရှိသည်ဆိုတဲ့အချက်တွေကို ထောက်ပြကာ အခုတရားစွဲဆိုမှုကတကယ်ပဲ အကျုံးဝင်သလားဆိုတဲ့အချက်ကို တိုင်းရင်းသားအခွင့်အရေးလှုပ်ရှားသူတွေနဲ့ တိုင်းရင်းသားပြည်သူတွေက ပြန်လည်ထောက်ပြကာ မေးခွန်းထုတ်နေကြပါတယ်။

တရားစွဲဆိုခံထားရတာဟာ နော်အုန်းလှအပါအ၀င်ဦးဆောင်ကျင်းပတဲ့ လူ၃ဦးပါဝင်ပြီး ကျောက်တံတားမြို့နယ်ရဲစခန်မှုးရဲ့အဆိုအရ ငြိမ်းချမ်းစွာစုဝေးခြင်းနဲ့ စီတန်းလှည့်လည်ခြင်းဆိုင်ရာဥပဒေပုဒ်မနဲ့အမှုဖွင့်ထားတာဖြစ်တယ်လို့သိရပါတယ်။

တစ်ဖက်မှာလည်း ကျင်းပဖို့ခွင့်ပြုမိန့်တောင်းခဲ့ပေမယ့် ကရင့်အာဇာနည်နေ့ ဆိုတဲ့အသုံးအနှုန်းကြောင့် အစိုးရနဲ့ညှိနှိုင်းမရတဲ့ဖြစ်ရပ်တွေ ခွင့်ပြုမိန့်ပိတ်တာတွေအစရှိတဲ့အခက်အခဲတွေရှိခဲ့ပြီး ယခင်နှစ် အင်းစိန်မြို့နယ်မှာကျင်းပခဲ့စဉ်မှာလည်း တိုင်းရင်းသားအလံနဲ့ဗီနိုင်းတွေဖြုတ်ပေးဖို့ ရန်ကုန်တိုင်းဒေသကြီးအစိုးရဘက်ကပြောခဲ့ဖူးတဲ့ ဖြစ်ရပ်တွေရှိခဲ့တယ်လို့သိရပါတယ်။

Yenin Phawah-AlinnMyay(အလင်းမြေ)

Source-Moe Moe Thi