မန္တလေးမြို့တွင်းထဲ ကုန်ကားနှစ်စီးတိုက်မှု နှစ်ဦးသေဆုံး

152

မန္တလေးတွင် မီးပွိုင့်လမ်းဆုံ၌ ကားနှစ်စီး တိုက်မိ၊ ယာဉ်ပေါ်ပါ အမျိုးသမီးနှစ်ဦး သေဆုံး – ဘခက်၊ သြဂုတ်-၂၁

မန္တလေးမြို့ မဟာအောင်မြေမြို့နယ် ၈၆လမ်းနှင့် ၄၁လမ်းဆုံ မီးပွိုင့်တွင် ယနေ့နံနက်အစောပိုင်းက ထရပ်ကားနှစ်စီး တိုက်မိခဲ့ရာ ယာဉ်ပေါ်ပါ အမျိုးသမီးနှစ်ဦး သေဆုံးပြီး တစ်ဦးထိခိုက်ဒဏ်ရာ ရရှိခဲ့သည်။

၄၁လမ်းအတိုင်း အနောက်မှ အရှေ့သို့ မောင်းနှင်လာသော Toyotace Truck ယာဉ်နှင့် ၈၆လမ်းအတိုင်း တောင်မှမြောက်သို့ မောင်းနှင်လာသော Truck ယာဉ်တို့ သြဂုတ်(၂၁)ရက် နံနက်(၂)နာရီခန့်က တိုက်မိခဲ့ခြင်းဖြစ်သည်။

အဆိုပါ ယာဉ်တိုက်မူကြောင့် Toyotace Truck ယာဉ်ပေါ်တွင် လိုက်ပါလာသည့် ကူမဲမြို့နယ်နေ အသက်(၃၀)၀န်းကျင်အရွယ် ဈေးသည် အမျိုးသမီးနှစ်ဦးနှင့် အမျိုးသားတစ်ဦးတို့တွင် ထိခိုက်ဒဏ်ရာများ ရရှိခဲ့သည်။ ယာဉ်တိုက်မူကြောင့် ထိခိုက်ဒဏ်ရာရသူများအား ဆေးရုံသို့ ပို့ဆောင်စဉ် အမျိုးသမီးနှစ်ဦးမှာ သေဆုံးခဲ့ကြောင်း ရဲမှတ်တမ်းတွင် ဖော်ပြထားသည်။

ယင်းဖြစ်စဉ်နှင့်ပတ်သက်၍ ကျောက်ဆည်မြို့နယ်နေ အသက်(၂၆)နှစ်အရွယ် Toyotace Truck ယာဉ်မောင်း နှင့် မန္တလေးမြို့ ချမ်းအေးသာစံမြို့နယ်နေ အသက်(၃၄)နှစ်အရွယ် Truck ယာဉ်မောင်းတို့ကို ယာဉ်မဆင်မခြင် မောင်းနှင်၍ တိုက်မိပြီး လူ့အသက်သေဆုံးခြင်းနှင့် ဒဏ်ရာရရှိခြင်းအတွက် ရာဇသတ်ကြီးဥပဒေ ၃၀၄(က)/၃၃၇တို့ဖြင့် အမူဖွင့်အရေးယူထားကြောင်း မဟာအောင်မြေမြို့မ ရဲစခန်းမှ သတင်းရရှိသည်။

မန္တလေးမြို့တွင် ယာဉ်တိုက်မူများကြောင့် နှစ်ရက်လျှင် လူတစ်ဦးနှုန်းခန့် သေဆုံးလျှက်ရှိသည်။ ယခုနှစ် ဇန်နဝါရီမှ ဇူလိုင်လကုန်အထိ မန္တလေးခရိုင်(၇)မြို့နယ်အတွင်း ဖြစ်ပွားခဲ့သည့် ယာဉ်တိုက်မူများကြောင့် (၉၁)ဦးသေဆုံးကာ လူ(၃၀၀)နီးပါး ထိခိုက်ဒဏ်ရာရခဲ့ကြောင်း ယာဉ်ထိန်းရဲတပ်ဖွဲ့မှ သတင်းရရှိသည်။

မန္တလေးမြို့ ၄၁လမ်းနှင့် ၈၆လမ်းဆုံ မီးပွိုင့်တွင် ယာဉ်တိုက်မူဖြစ်ပွားစဉ်။ ဓါတ်ပုံ – ဘခက်။

#Mandalay_Indepth_News #Crime #Accident

ApannPyay